Propvol feeverhale

Eduan het op die 10de van die maand oudergewoonte 'n jaar ouer geword, hierdie keer 'n heilige (?) 7 jaar. En dit was 'n hondekoek gewees. Oudergewoonte (op Eduan se aandrang) het Petra ook 'n skattejag vir die maatjies gereel. En ek het vir my, ag ek bedoel vir Eduan, 'n tafeltennistafel gekoop. Gelukkig het Bella onthou om 'n net te koop en Annika spane en 'n bal, anders sou dit seker nie veel gehelp het nie.

In hierdie halwe jaar het die mannetjie ook leer skryf, soos die lieflike storie hier onder getuig. As iemand 'n vertaling nodig het, vra maar. (Die laaste woord is spagghetti)

En op 1 Junie dog die mannetjie hy vang vis by die basaar, toe vang hy 'n swart beer - wat nou elke aand saam met hom slaap.

Oudergewoonte het buurmaaitjie Nico ook besluit om te verjaar by 'n spur, waar die rakkers ook pret gehad het. Hiers Annika in aksie

Maar moet ook nie dink dat net kjinners kan pret he by 'n basaar nie. Heel gepas by ons storietyd-basaar het ons 'n goeie ou konsert gehou. Dit was natuurlik alles net 'n scheme om teologiese student Salomo Arend Hattingh (center) op te lei (ly?) om 'n voorbeeld in lewenswandel te wees by 'n gemeente. (Sien julle ook die regressie van student, 13 jaar - Naude -  en 20 jaar - Wouter- in 'n gemeente? Of is dit net ek)

 Op die digterlike front was daar die jaarlikse "digsange" waar ek ook 2 of 3 gediggies gelees het, van Erna se lirieke gesing is en (ons mentor) Ian Raper se digbundel ("Oorlopers") bekendgestel is.

 Ietsie van 'n doodgewone dag.... Les een in digkuns: die spreker in 'n gedig is nie noodwendig dieselfde as die skrywer self nie

Arrividerci

Besoek aan ‘n Kwikspar

die tannie by die till

sê ek's gaaf en ek sê dankie

(wat anders moet ek sê?)

twee sakkies asseblief

en kan ek 'n blou Winston kry

(of het julle weer net rooi?)

Ek ken al lankal

die hande wat my kaart vat

en vra al weer of ek straight is

Ek skud die sakkies af,

grawe vir silwer in my beursie

vir karwag en die bedelaar op die hoek

wat my altyd op my Naam noem

(waar de hel het sy dit gehoor?)

Dan ry ek na die woonstel

waar my hondjie vir my blaf.

:-)